Kattaqo‘rg‘on tuman maktabgacha ta’lim bo‘limi tomonidan an’anaviy avgust konferensiyasi tashkil etildi. Konferensiya ishida tuman hokimi Jamshid Nasriddinov, viloyat maktabgacha ta’lim boshqarmasi xodimi, hokim o‘rinbosarlari, tuman maktabgacha ta’lim tashkiloti direktorlari va mas’ullar ishtirok etdi.

Kattaqo‘rg‘on tuman hokimligi majlislar zalida boshlangan tadbir avvalida bolajonlar qiziqarli sahna ko‘rinishlari, ertak qahramonlarining chiqishlari va konsert dasturi namoyish etildi. Unda so‘zga chiqqanlar mamlakatimizda amalga oshirilayotgan islohotlar sohada o‘z samaralarini berayotgani, viloyatdagi nafaqat davlat, balki nodavlat va davlat xususiy sherikchiligi, xususiy va oilaviy maktabgacha ta’lim tashkilotlarining ham moddiy texnika bazasini mustahkamlashga, etuk mutaxassis kadrlar bilan ta’minlashga, ta’lim sifatini oshirish va unga yangi innovatsion texnologiyalarni olib kirishga qaratilayotgan e’tibor xususida so‘z yuritdi. – Tizimda amalga oshirib kelinayotgan islohotlar va kelgusidagi istiqbollarni o‘zida jamlagan turli mavzular ishtirokchilarning yangi bilim olishida muhim ahamiyat kasb etishi shubhasiz, – deydi maktabgacha ta’lim bo‘limi boshlig‘i Ulug‘bek Ernazarov. – Kamchiliklar yo‘q emas. Hali maktabgacha ta’lim tizimida bartaraf etishimiz lozim bo‘lgan kamchiliklarimiz etarlicha. Tizimda samarali mehnat qilib kelayotgan fidoyi soha xodimlari rag‘batlantirildi.